|
Þetta nalgast
Já, þetta nálgast. Við höldum til Bandaríkjanna næstkomandi föstudag og fer vélin klukkan korter í fimm um eftirmiðdaginn. Ég er að springa úr tilhlökkun!! Við munum byrja á því að fara til Northampton eins og áður sagði, og svo liggur leiðin til New York þar sem er staðfest gigg og einnig í Boston. Við munum því spila þrisvar og skoða okkur um í stórborgunum Boston og New York. Við fengum styrk úr Loftbrú sem er styrkjakerfi sem Icelandair heldur uppi. Því miður voru allir búnir að borga sína miða upp í topp nema ég, ég borgaði bara skatta og eitthvað smotterí í viðbót fyrir stanbæmiða því ég er starfsmaður FL group. Þannig að núna er ég með miða sem er borgaðu upp í topp og ég kemst örugglega með út og heim OG ég þurfti að borga minna fyrir þennan miða en starfsmannamiðann minn!!! Frábært, ekki satt? Hefði verið frábærara ef hinir hefðu líka getað fengið sína miða borgaða, en það þýðir ekki að sýta það, við sækjum bara aftur um loftbrú!
Það verða tónleikar á ellefunni annað kveld (fim) í tilefni að utanför okkar. Með okkur spila Tilburi og The Foghorns. Það er frítt inn svo ég hvet alla sem vettlingi geta valdið til að kíkja við. Þetta byrjar klukkan 22.
Sunna klukkaði mig. Það þýðir að ég verð að segja frá fimm hlutum sem fólk veit almennt ekki um mig. Well, here goes:
1. Ég á svo mikið af fötum að kærastinn minn kemur sínum ekki fyrir í skápnum okkar.
2. Ég er í ásatrúarfélaginu
3. Ég kann ekki margföldunartöfluna
4. Ég er svakalega draughrædd
Sjáumst!
skrifað af Runa Vala
kl: 17:42
|
|
|
